បញ្ហាមួយដែលរំខានចិត្តស្រីៗជាងគេ
គឺគ្មានទំនុកចិត្តលើស្បែកក្លៀក ពេលចង់ពាក់វាលម្តងៗ។ ថ្ងៃនេះ "កញ្ញា" នឹងបង្ហាញអាថ៌កំបាំងមួយទៀត
ដែលអាចជួយធ្វើឲ្យក្លៀក ស ទន់ ម៉ត់រលោង
ដោយប្រើតែគ្រឿងផ្សំធម្មជាតិងាយស្រួលរកទិញ និងចំណាយលុយតិច។
វិធីទី១៖
គ្រឿងផ្សំ៖ ម្សៅល្មៀត
ទឹកដោះគោស្រស់ យ៉ាអួររបៀបធ្វើ៖ លាយគ្រឿងផ្សំទាំងអស់បញ្ចូលគ្នា យកទៅខាត់លើក្លៀកថ្នមៗ ទុកចោលពី៥-១០នាទី សឹមលាងទឹកចេញ។ ធ្វើឲ្យបាន១-២ដង ក្នុងមួយសប្តាហ៍។
អត្ថប្រយោជន៍៖ ម្សៅល្មៀតមានតួនាទីកម្ចាត់បាក់តេរី ជួយឲ្យក្លៀកស។ ទឹកដោះគោស្រស់ និង យ៉ាអួរ ជួយឲ្យក្លៀកទន់រលោង។
វិធីទី២៖
គ្រឿងផ្សំ៖ អំពិលទុំ ទឹកឃ្មុំ
របៀបធ្វើ៖ យកតែសាច់អំពិលទុំសមល្មមសម្រាប់ខាត់ ទឹកឃ្មុំ៣ស្លាបព្រាបាយ លាយបញ្ចូលគ្នា យកទៅខាត់លើក្លៀកថ្នមៗ ទុកចោលពី៥-១០នាទី សឹមលាងទឹកចេញ។ អាចយកទៅលាបលើមុខក៏បាន ដើម្បីជួយឲ្យស្បែកភ្លឺក្មេងស្អាត។
អត្ថប្រយោជន៍៖ អំពិលទុំមាន AHA អាចជួយជម្រុះកោសិកាចាស់ៗ។ ទឹកឃ្មុំ ជួយឲ្យស្បែកក្លៀកទន់ និងមានសុខភាពល្អ។
វិធីទី៣៖
គ្រឿងផ្សំ៖ ក្រូចឆ្មារ
របៀបធ្វើ៖ សម្រាប់អ្នកដែលខ្ជិលរញ៉េរញ៉ៃច្រើន គ្រាន់តែយកក្រូចឆ្មារមួយចំណិត មកដុសថ្នមៗឲ្យបាន២-៣នាទី រួចទុកចោល៥នាទី ហើយលាងទឹកចេញជាការស្រេច។
0 Comments